#دكتور_احمد_سعيد_دبور
#استشاري_طب_الاطفال_وحديثي_الولاده (الاطفال والشاشة)فى الدول الغربية، الكلام ده مهم لدرجة ان الاكاديمية الامريكية لطب الاطفال عملت له قواعد إرشادية.يعنى لو مشينا عليها، يبقى اولادنا ماشيين على نظام أمريكى فى الموضوع ده.ايه المقصود بالشاشة؟ المقصود المعروض فى كل الشاشات المقصود كل انواع الاعلام ،فى،التليفونالتليفزيونالكمبيوترالتابلت التأثيرات السلبيه للشاشة، نوم اقل، سمنه، تاخر الكلام، تأخر التطور الاجتماعى والعاطفى.💥دى قواعد الاكاديمية الأمريكية لطب الاطفال.💥١- عمر اقل من ٢٤ شهر ممنوع استعمال الشاشة ، الا فى حالة مكالمة فيديوا مع الاجداد مثلا.٢- من عمر ٢-٥ سنوات نختار برامج عالية الجودة (يعنى بتساعد الطفل على النمو البدنى، والاجتماعي، والعاطفى، والمعرفى ) ، ونقعد مع الطفل (ما نسيبش الطفل لوحده)😡 كل الامهات بتفتح التليفزيون ، او تدى الطفل التليفون فى الصالة وهى تدخل المطبخ😡. ونشرح له الموجود على الشاشة، ونطبق اللى موجود فى البرنامج فى الحياة اليومية للاستفادة الوقت ✋ ساعة واحدة✋ يوميا.٣ – من عمر ٦ – ١٢ سنه، نحط حدود ثابته للوقت المسموح ✋ ساعتين ✋ فى اليوم خلاف لو بيذاكر على الشاشة ، ونوعية البرامج المشاهدة، بحيث لا تؤثر على عدد ساعات النوم، ولا المذاكرة، ولا النشاط البدنى يعنى يلعب ويجرى، ولا النشاط الاجتماعى يعنى مش يقفل عليه الغرفة بالساعات. لازم يعيش مع افراد الاسرة ويروح لاصحابه، واقاربه اللى من سنه.😡 ما نسيبش الطفل لوحده😡.٤- عمر ١٢ سنه واكبر ، اضافة الى السابق، نحدد بالاتفاق ، الاوقات الممنوع فيها استعمال الشاشة ، زى وقت الاكل مثلا . ونحدد الاماكن الممنوع فيها استعمال الشاشة زى غرفة النوم.😡 ما نسيبش الطفل لوحده 😡ملحوظة مهمة: الوقت المحدد مش مثلا ساعة للتلفزيون، وساعة للتليفون لا . الوقت ساعة واحدة فى اليوم يقعد فيها قدام الشاشة اللى تعجبه خلصت الساعة، بكره وعليك خير إن شاءالله.