ليه ابني مش بيطول؟!
سؤال كتير من الأمهات بيسألوه، وده لأن الطول مش بس جينات.. في أسباب تانية ممكن تأثر على نمو الطفل:
1. سوء التغذية: لما الطفل مياخدش احتياجاته من الكالسيوم، البروتين، والفيتامينات (خصوصًا فيتامين د)، جسمه مش هيعرف ينمو كويس.
2. نقص في هرمون النمو: بعض الأطفال بيكون عندهم مشكلة في إفراز الهرمون ده وده بيأثر على الطول بشكل واضح.
3. مشاكل في الغدة الدرقية: لو نشاطها قليل، بتبطّأ النمو.
4. أمراض مزمنة: زي مشاكل الكبد، الكلى، أو أمراض الجهاز الهضمي المزمنة ممكن تأثر على الطول.
5. قلة النوم والحركة: النوم الكويس والنشاط البدني مهمين جدًا لنمو سليم.
6. العامل النفسي: الضغط النفسي والتوتر ممكن يبطّل الجسم يفرز هرمونات النمو بشكل طبيعي.
لو حسيتي إن في تأخير في نمو ابنك، خصوصًا لو وزنه وطوله مش ماشيين مع المعدلات الطبيعية لسنه، لازم تراجعي دكتور أطفال فورًا.
كل طفل ليه معدله في النمو، بس المتابعة الصح بتفرق!