يعني إيه طفل انتقائي في الأكل؟
الطفل الانتقائي هو اللي بيرفض يجرب أكلات جديدة أو بيحب عدد محدود جدًا من الأكل، وبيبقى عنده تمسّك بأكلات معينة بشكل متكرر. تلاقيه مثلاً مش بيحب الخضار أو يرفض ياكل لو الأكل ملمسه أو شكله مش على مزاجه.
إيه أسباب الانتقائية؟
• خوف من التجربة الجديدة (خصوصًا في سن ٢-٥ سنين).
• تجارب سيئة سابقة مع نوع أكل معين (شرقة – طعم غريب).
• ضغط الأهل الزايد في الأكل.
• أوقات بيكون جزء من اضطراب حسي أو توحد.
• تقليد لطفل تاني أو ربط الأكل بمكافأة أو عقاب.
نعمل إيه؟
• الصبر ثم الصبر، الموضوع محتاج وقت ومفيش حلول سحرية.
• نخلي وقت الأكل ممتع ومريح بدون ضغط أو عصبية.
• نقدم الأكل بشكل جذّاب وألوان متنوعة.
• نكرّر تقديم الأكلة الجديدة كذا مرة (أكتر من ١٠ مرات أحيانًا) من غير إجبار.
• نشارك الطفل في تجهيز الأكل، ده بيزود حب الفضول عنده.
• نكون قدوة، الطفل بيقلدنا في الأكل.
• لو الموضوع زايد أوي ومسبب نقص في النمو، لازم نراجع دكتور أطفال أو أخصائي تغذية.
الهاشتاج:
#طفل_انتقائي#تغذية_الأطفال#نمو_سليم#نصايح_للأمهات#عيادة_دكتور_احمد_سعيد_دبور