الحمى_الروماتزيميه_لا_تشخص_
بالميكروب_السبحى
■ الحمى الروماتزميه هى تفاعل غير طبيعى من جهاز المناعه بعد الاصابه بالتهاب الحلق او اللوز بالميكروب السبحى ..
■ طب هل ينفع الطفل يجيله الميكروب السبحى و ميجيلوش حمى روماتيزميه ؟؟
ايوه_طبعا ..
■ ده هى دى القاعده ..
● انما اللى يخلف القاعده ان الطفل ده بعد ما يجيله التهاب فى زوره بالميكروب السبحى فى خلال من اسبوعين ل 6 اسابيع يجيله حمى روماتزميه ..
■ طب هل الحمى الروماتزميه مرض_شائع اوى زى اللوز مثلا ؟؟
اطلاقا ..
● ده اصبح من الامراض النادره
■ بيصيب الاطفال من سن 6 سنين ل 15 سنه .. يعنى اقل من كده منفكرش فيه خالص الا فى حالات نادره ..
■طب ازاى بيتشخص ؟؟
☆ كان فى دكتور اسمه چون قعد يتعب فى نفسه و يحط خصائص معينه كده عشان نقدر نشخص بيها الحمى الروماتزميه.
☆ اعتقد انه لو كان عايش و شاف كميه الحالات اللى بتاخد بنسلين طويل المفعول بدون داعى كان انتحر ..
■ فى 5 خصائص كبيره اهمهم :
١ . التهاب فى القلب_والصمامات .
٢. التهاب المفاصل_الكبيره بمعنى ان المفصل يورم جامد و الطفل ميقدرش يحرك ايده او رجله خالص و ده غير وجع المفصل خالص..
٣. ان الطفل يعمل حركات_اكروباتيه بدون ما يقدر يوقفها مهما حاول ..
خصائص صغيره أهمهم :
١. ارتفاع سرعه_الترسيب ESR
٢. ارتفاع البروتين_التفاعلى CRP
٣. ارتفاع عدد_كرات الدم البيضاء
٤. سخونيه
٥. وجع فى المفاصل
■ عشان بقى نقول الطفل عنده حمى روماتزميه لازم يبقى عنده 2 من الخصائص الكبيره ..
■ او …واحده كبيره و اتنين صغيرين
+ دليل انه كان عنده ميكروب سبحى زى انى اعمل مسحه من الزور او نعمل تحليل ASOT ويطلع عالى ..
■ احنا بقى بنعمل تحليل الميكروب السبحى ASOT …
يطلع عالى..
■ نقول انه عنده حمى روماتزميه
■ نحكم على الطفل ده انه ياخد حقنه بنسلين طويل المفعول كل شهر لحد ما يبقى عنده 25 سنه
■وللاسف الحقنه دى مؤلمه بشكل بشع .. طب عم چون كان بيتعب نفسه ليه بقى ..
ارحمو_العيال_من_البنسلين_طويل_المفعول
#دكتور_احمد_سعيد_دبور