فتق سري بييجي في نسبه مش قليله من الأطفال

مش محتاج اي علاج اول سنتين ..

عاده أضعف منطقه في البطن .. بتكون منطقه السرة

اي حاجه بتزود ضغط البطن سواء الحزق أو الامساك أو العياط أو الكحه .. هتلاقي السرة برزت و طلعت اكتر .

مع الوقت ، الطفل لما بيكبر ؛ عضلات البطن بتشد و هتقفل مع الوقت و السرة بتنزل لمكانها ..

يعني مش محتاج حزام و لا ربط بعمله معدنيه ..

و الفتق السري مختلف عن الفتق الاربي .. الفتق الاربي عاده بيحتاج تدخل جراحي اول ما يتشخص.. إنما الفتق السري ممكن نستنى عليه سنتين و متابعه و غالبا بيقفل قبل الوقت ده.