<

الغازاااااااات

■ من الاسباب الاساسيه لبكاء الاطفال الرضع

■ إمتى أشك إن سبب صريخ إبني هو الغازات

أقولك:

بتلاقي_الطفل

١-بيفرك ومش مرتاح على اي وضع …

٢-قافل ايديه الاتنين جامد…

٣-جايب ركبته على بطنه زي ما يكون مقرفص..

٤-وشه احمر وساعات بيبقى غامق اوي من الحزق..

٥-بطنه منفوخة زي الطبله…

■ طيب_أزى_أتعامل_معاها

١-اهم_نقطه …..

خللي بالك من الحاجات اللي انت بتاكليها لو بترضعي طبيعي…لإن حاجات زي القهوة و النسكافيه والفراولة و البرتقال والموز والبصل والثوم والحليب وكمان الحاجات الحراقة ممكن تفرز في لبن صدرك وتسبب غازات للطفل ف ركزي إنت بتاكلي إيه..

٢-عصبيتك ممكن تسبب إفراز الادرينالين في اللبن واللي بيسبب غازات للطفل…

**إهدي كده و take it easy

انت بيترضعى يا ختى

٣-طريقة_الرضاعة نفسها بمعنى

■ لو الطفل بيرضع طبيعي لازم حلمة صدرك والهالة السوداء حواليها تكون كلها جوا فم الطفل بحيث مايبلعش هوا وهو بيرضع وينزله لبن أكتر…

■ لو هو بيرض صناعي لازم بعد ما تجهزي الرضعة تسيبيها من ٣:٢ قبل ما ترضعي الطفل عشان تطلع كل فقاقيع الهوا اللي الطفل بيبلعها و تسببله غازات.

■■ فِي الحالتين سواء طبيعي والا صناعي لازم الطفل يرضع في وضع شبه جالس وأبدا ما ترضعيهوش وهو نايم لإن دا بيدي فرصة للغازات تتكون أكتر.

٤-التجشؤ_أو_التكريع:

لازم تكرعي الطفل مرتين …مرة في نص الرضعة و مرة بعد ما يخلصها بالهنا والعافية

٥-لازم تنيمي الطفل على بطنه شوية بعد الرضعه ب نص ساعه…..

●● الوضع دا بيساعد على التخلص من الغازات الزيادة.

٦-تمارين_العجلة :تنيمى الطفل على الظهر ويتم تحريك القدمين بالتبادل زى بدال العجله..

٧-مساج_البطن:

بطريقة دائرية مع إتجاه عقارب الساعه ولازم يكون بعد الرضاعة ب ساعة …ممكن تستخدمي نقطتين من زيت النعناع على زيت اطفال جونسون في المساج بيجيب نتيجه هايلة .

٨-ممكن تستخدمي الأعشاب زي الريحان او البابونج أو النعناع…

تاخدي معلقه من اي نوع منهم على كوب ماء مغلي وتسيبيه لمدة ١٠ دقايق وتدي للطفل منه معلقه او اتنين صغيرين ٣مرات في اليوم …انت كمان ممكن تشربي من الشاي دا مرتين تلاته في اليوم.

9-تقميط_البيبي

ودا بينفع أكتر في الاطفال حديثي الولادة.

١٠-حمام_ميه_دافيه تحطي فيه نقطتين زيت لافندر وتدعكي بيه جسم الطفل وبالذات منطقة البطن ..

transferred for information

#دكتور_احمد_سعيد_دبور