ابنى زكى لكن ما بيركزش فى المذاكرة

#دكتور_احمد_سعيد_دبور

#استشاري_طب_الاطفال_وحديثي_الولاده

قريباً مع بداية العام الدراسي الجديد ☺️

(ابنى زكى لكن ما بيركزش فى المذاكرة اعمل ايه؟؟؟)

💥 اولا لازم نعرف ان الذكاء مهارة، والاجتهاد مهارة اخرى مختلفة، فيه مراهقين كتير عباقرة فى لعب الgames على التليفون، لكن ما بيحبوش يذاكروا، المراهقين دول يفتقدوا لمهارة الاجتهاد.

💥 اظهر لطفلك المراهق انك متفهم انه صعب عليه يقعد فترة طويلة على المذاكرة وانك فاهم ده، وانك فاهم انه قاعد علشان يبسطك ، وعلشان كده وفرة له وقت مخصص للعب بعد ما يخلص ما عليه من المذاكرة.

💥 حطوا قواعد مع بعض، أبداءها بسؤال ايه اللى انا اعمله يساعدك على التركيز ويخليك تكون مرتاح وقت المذاكرة ؟ استمع اليه واتفقوا على اتفاق يلتزم كل واحد فيكم بشيء مثلا فيه اكلة بيحبها عايزكم تعملوها له. يبقى تتعمل الاكلة دى بعد ما يخلص المذاكرة.

💥 اتفقوا على العواقب وليس العقاب اذا ما التزمش بالاتفاق، مثلا لو النهاردة ما خلصتش مذكرتك بكرة مش ها يكون عندك وقت للعب، لانك ها تذاكر فيه اللى سبته النهارده.

💥 فكر بطريقة خارج الصندوق، يعنى لو عنده مشكلة فى الرياضيات لكن بيشجع نادى رياضى، استخدم الرياضيات لحساب كيف يحصل ناديه على البطولة عن طريق حساب النقاط مثلا.

💥 مطلوب مننا نوفر للاولاد احسن ظروف تخليهم يوصلوا لافضل استغلال لامكانياتهم.

لما نتاكد انهم استغلوا امكانياتهم صح، نبطل نضغط عليهم، ويتقبلهم ونتقبل امكانياتهم.

نستكشف مواهبهم فين ونساعدهم فيها، قد تكون حرفة يدوية ،او برمجة الاكترونية.

💥 اطلب المساعدة، لو كان طفلك لديه مشكلة مرضية، مأثرة على عملية التعليم زى فرط الحركة وتشتت الانتباه، استشير الدكتور المتخصص.